Düşənbədə “Almatı prosesi” texniki ekspert qrupunun iclası keçirilir
Düşənbə, 9 dekabr, AZƏRTAC
Düşənbədə “Almatı prosesi” texniki ekspert qrupunun iclası öz işinə başlayıb.
AZƏRTAC xəbər verir ki, Birləşmiş Millətlər Təşkilatının (BMT) Miqrasiya üzrə Agentliyi, Qaçqınların işləri üzrə BMT-nin Ali Komissarlığı və Qaçqınların işləri üzrə BMT Agentliyi Almatı prosesinə təşkilati, maddi-texniki və ekspert dəstəyi göstərir.
Tədbirdə Tacikistandan başqa Azərbaycan, Qazaxıstan, Qırğızıstan, Türkiyə, Özbəkistan və digər ölkələrin nümayəndələri, Birləşmiş Millətlər Təşkilatının ekspertləri iştirak edirlər.
Xatırladaq ki, Azərbaycan, Tacikistan, Əfqanıstan, Qazaxıstan, Qırğızıstan, Türkiyə və Türkmənistan “Almatı prosesi”nin üzvləridir. İran və Pakistan “Almatı prosesi”nə müşahidəçi kimi qatılır.
İclasda dünyada və MDB məkanında miqrasiya axını ilə bağlı məsələlər müzakirə olunur.
Qulu Kəngərli
AZƏRTAC-ın xüsusi müxbiri
Düşənbə
Qərbin “sığortası” yeni münaqişə ocağı yaradacaq və ya iqtisadi tənəzzüllə bitəcək - ŞƏRH
Qərbi Azərbaycan İcması bəyanat yayıb
Mariya Zaxarova Azərbaycanın guya Ukraynaya silah tədarük etməsi ilə bağlı şayiələri şərh edib