Azərbaycan Dövlət
İnformasiya Agentliyi

A
A
A
Sazlamalar

Azərbaycan Milli Olimpiya Komitəsinin təşkilatçılığı ilə İspaniyada beynəlxalq seminar başlayıb

Bakı, 3 dekabr, AZƏRTAC

Dekabrın 3-də Azərbaycan Milli Olimpiya Komitəsinin (MOK) təşkilatçılığı, Beynəlxalq Olimpiya Komitəsinin Olimpiya Həmrəyliyi Fondunun dəstəyi və “Olympic Channel”in yardımı ilə Madriddə ikinci rəqəmsal kommunikasiya və media seminarı işə başlayıb.
MOK-dan AZƏRTAC-a bildiriblər ki, “Olympic Channel”in ofisində üç gün davam edəcək seminarda Albaniya, Sloveniya, Slovakiya, Serbiya, Türkiyə, Belarus, Çexiya, Polşa və Xorvatiya Milli Olimpiya komitələrinin nümayəndələri iştirak edirlər.
Seminarda “Olympic Channel”dən, Olimpiya Oyunlarında kommunikasiya və sosial mediadan istifadə, kommunikasiyanın əsasları müzakirə olunacaq.
Xatırladaq ki, MOK artıq ikinci dəfədir rəqəmsal kommunikasiya və media seminarı keçirir.

İdman 2019-12-03 18:18:00