Bakı, 18 sentyabr, AZƏRTAC

17 nömrəli orta məktəbdə Gənclər və İdman, Təhsil nazirliklərinin, Milli Olimpiya Komitəsi, Azərbaycan Məktəb İdmanları Federasiyasının dəstəyi, Xətai Rayon Gənclər və İdman İdarəsinin təşkilatçılığı ilə məktəblilər arasında respublika çempionatının atletika növü üzrə Xətai rayon mərhələsi keçirilib.
AZƏRTAC nazirliyin saytına istinadla xəbər verir ki, yarışda 269 nömrəli tam orta məktəbin komandası birinci olub. 261 nömrəli tam orta məktəb yarışı ikinci, 265 nömrəli tam orta məktəbin komandası isə üçüncü pillədə başa vurub.
Yarışın sonunda qalib gələn komandalar Xətai Rayon Gənclər və İdman İdarəsi tərəfindən diplomla mükafatlandırılıblar.