Bakı, 23 oktyabr, AZƏRTAC

Oktyabrın 24-də Batumidə şahmat üzrə komandalararası Avropa çempionatı start götürəcək.
AZƏRTAC xəbər verir ki, kişilərin yarışında ölkəmizi Şəhriyar Məmmədyarov, Nicat Abbasov, Arkadi Naydiç, Rauf Məmmədov və Qədir Hüseynov təmsil edəcəklər. Komandamızın kapitanı Eltac Səfərli olacaq.
Qadınlar arasında keçirilən turnirdə Günay Məmmədzadə, Xanım Balacayeva, Gülnar Məmmədova, Ülviyyə Fətəliyeva və Türkan Məmmədyarova mübarizə aparacaqlar.
İsveçrə sistemi üzrə keçiriləcək turnir 9 turdan ibarət olacaq.