Suriyadan İraqa gətirilən ABŞ hərbçiləri Qətərə və ya Küveytə aparılacaq
Bakı, 23 oktyabr, AZƏRTAC
Suriyadan İraqa gətirilən amerikalı hərbçilər ölkəni bir ay ərzində tərk edərək Qətərdə və ya Küveytdə dislokasiya olunacaq.
AZƏRTAC “Al-Sumaria” telekanalına istinadla xəbər verir ki, bu barədə İraqın Müdafiə naziri Nacah əş-Şamari bildirib.
“Suriyadan çıxarılan Amerika qoşunları dörd həftə ərzində İraqı tərk edəcək. Onlar Qətərə və ya Küveytə yollanacaq”, - Nacah əş-Şamari belə deyib.
Xatırladaq ki, bu gün səhər saatlarında Pentaqonun rəhbəri Mark Esper İraqa elan olunmamış səfər edib. O, ABŞ qoşunlarının Suriyadan çıxarılması prosesini və bu prosesdə İraqın rolu məsələlərini ölkə rəhbərliyi ilə müzakirə etmək niyyətindədir.
İsveç arxeoloqları XII əsrə aid gümüş sikkələr aşkarlayıblar
Finlandiyada etiraz nümayişləri Pasxa bayramından sonra davam edəcək
Bir ay tam yuxu alan insanlar özlərini 6 yaş cavan hiss edirlər - Araşdırma
Brüsseldə zorakılıq halları nəzarətdən çıxır
Türkiyə 10 illik fasilədən sonra Liviyaya uçuşları bərpa edib