Bakı, 21 oktyabr, AZƏRTAC

Azərbaycan Dillər Universitetinin (ADU) rektoru, akademik, Xalq yazıçısı Kamal Abdulla Macarıstanın ELTE Universitetinin nümayəndəsi Benedek Peri ilə görüşüb.
ADU-dan AZƏRTAC-a bildirilib ki, görüşdə rektor Kamal Abdulla Macarıstan-Azərbaycan münasibətlərinin yüksələn xətt üzrə inkişaf etdiyini söyləyib. Rektor, həmçinin Macarıstanın ölkəmizdəki səfirliyi ilə ADU arasındakı əlaqələrin təhsil sahəsində səmərəli nəticələr verdiyini qeyd edib. Kamal Abdulla 20-yə yaxın dilin tədris olunduğu universitetdə macar dilinin öyrənilməsinin vacibliyindən söz açıb.
Benedek Peri təmsil etdiyi universitet haqqında məlumat verib. Qonaq Azərbaycan-Macarıstan əlaqələrinin inkişafını yüksək qiymətləndirib.
Görüşdə iki ölkənin universitetləri arasında əlaqələrin qurulması, “Türkologiya” jurnalında məqalələrin dərc olunması barədə müzakirələr aparılıb.