Şəkidə travmatoloqlar üçün səyyar kurs təşkil edilib
Bakı, 21 oktyabr, AZƏRTAC
Əziz Əliyev adına Azərbaycan Dövlət Həkimləri Təkmilləşdirmə İnstitutunun travmatologiya və ortopediya kafedrası Davamlı Tibbi Təhsil proqramına uyğun olaraq Şəki Mərkəzi Rayon Xəstəxanasında “Müştərək travma” mövzusunda səyyar kurs keçirib.
İnstitutdan AZƏRTAC-a verilən məlumata görə, kursda Şəki şəhərində fəaliyyət göstərən həkimlərlə yanaşı, Qəbələ, Zaqatala, Balakəndən gələn travmatoloqlar iştirak ediblər.
Kursun əsas məqsədi müştərək travma zamanı təxirəsalınmaz yardımın təşkili prinsipləri, diaqnostika və təcili yardımın həyata kecirilməsindən ibarət olub. Bununla yanaşı, müdavimlərə təxirəsalınmaz vəziyyətlərdə ümumi cərrah və neyrocərrahlarla birgə aparılmalı olan iş prinsipləri də izah edilib.
Dərsləri Azərbaycan Dövlət Həkimləri Təkmilləşdirmə İnstitutunun travmatologiya və ortopediya kafedrasının əməkdaşları aparıblar.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar