Bakı, 18 oktyabr, AZƏRTAC

Oktyabrın 18-də Təhsil Nazirliyində Azərbaycan və Macarıstan ali təhsil müəssisələrinin nümayəndələri arasında görüş keçirilib.
Təhsil Nazirliyindən AZƏRTAC-a bildiriblər ki, görüşdə Macarıstanın ölkəmizdəki səfiri Viktor Szederkenyi iştirak edib.
Macarıstanın ELTE, Seqed, Debreçen, Peç, Veterinari və Metropolitan universitetlərinin nümayəndələrinin iştirak etdiyi görüşə Azərbaycan tərəfdən Bakı Dövlət Universiteti, Azərbaycan Dillər, Tibb, Texniki, Dövlət Mədəniyyət və İncəsənət universitetləri, ADA və Azərbaycan Dövlət İqtisad universitetləri, Azərbaycan Dövlət Rəssamlıq Akademiyasının nümayəndələri qatılıblar.