Bakı, 18 oktyabr, AZƏRTAC

Azərbaycan Respublikasının hüquq mühafizə orqanlarının gənc əməkdaşlarının “Müstəqilliyimiz əbədidir, daimidir, dönməzdir” mövzusunda I Forumunda hüquq mühafizə orqanları rəhbərlərinin çıxışları gənclərin gələcək fəaliyyətində önəmli rol oynayacaq.
Bu fikri AZƏRTAC-a açıqlamasında Azərbaycan Respublikasının Milli Qəhrəmanı Vahid Quliyev deyib.
Milli Qəhrəman qeyd edib ki, forumda gənclərin Ali Baş Komandanımızın ətrafında daha sıx birləşərək dövlətimizin müstəqilliyinin möhkəmlənməsində və iqtisadiyyatın inkişafında önəmli rol oynaması məsələsi müzakirə olundu. Gənclər daha enerjili, innovativ və çevikdir. Bu forum gənclərin fəaliyyətinə müsbət təsir edəcək.