Tarixdə ilk dəfə iki qadın astronavt açıq kosmosa çıxıb
Bakı, 18 oktyabr, AZƏRTAC
Tarixdə ilk dəfə iki qadın astronavt açıq kosmosa çıxıb. AZƏRTAC space.com saytına istinadla xəbər verir ki, NASA-nın astronavtları Kristina Kuk və Cessika Meir oktyabrın 18-də Beynəlxalq Kosmik Stansiyanın enerji sistemində bloklardan birini dəyişmək üçün onun göyərtəsindən açıq fəzaya çıxıblar. Bu proses NASA-nın saytında canlı yayımlanıb. Bakı vaxtı ilə 15:37-də “Quest” şlüzünün lyuku açılıb və qadın astronavtlar açıq kosmosa çıxıblar. Onlar ötən həftə sıradan çıxmış blokun yenisi ilə əvəzlənməsi üçün burada altı saat çalışacaqlar. Kuk artıq son iki həftədə üç dəfə açıq kosmosa çıxıb.
NASA-nın məlumatında qeyd olunur ki, blokun nasazlığı Beynəlxalq Kosmik Stansiyanın göyərtəsində aparılan elmi eksperimentlərə və ekipajın təhlükəsizliyinə heç bir təsir göstərməyib. Eyni zamanda, onun sıradan çıxması nəticəsində stansiya oktyabrın 6-da və 11-də açıq kosmosa öncəki iki çıxış zamanı quraşdırılmış yeni litium-ion batareyalarından əlavə enerji ala bilmir.
Xatırladaq ki, sovet kosmonavtı Svetlana Savitskaya 1984-cü ildə açıq kosmosa çıxan ilk qadın olub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır