Yaponiya özünümüdafiə qüvvələrinin Yaxın Şərqə göndərilməsi imkanlarını araşdırır
Tokio, 18 oktyabr, AZƏRTAC
Yaponiya özünümüdafiə qüvvələrinin informasiya toplamaq və monitorinq aparmaq məqsədilə Yaxın Şərqə göndərilməsi imkanlarını araşdırır.
AZƏRTAC Yaponiya hökumətindəki mənbələrə istinadla xəbər verir ki, bu barədə qərar Milli Təhlükəsizlik Şurasının oktyabrın 18-də keçirilən iclasında təsdiq olunub.
Bildirilir ki, bu zaman diqqət hərbi dəniz qüvvələrinin esmineslərinin və patrul təyyarələrinin regiona göndərilməsinə yönələcək.
Xatırladaq ki, ABŞ hökuməti İran ətrafında artan gərginliklə əlaqədar Hörmüz boğazında gəmiçiliyin təhlükəsizliyini təmin etmək məqsədilə beynəlxalq koalisiya yaradır.
Lakin Yaponiya hökuməti İranla uzunmüddətli dostluq əlaqələrini nəzərə alaraq, həmin qüvvələri koalisiyadan kənar göndərməyi planlaşdırır.
Qeyd edilir ki, özünümüdafiə qüvvələri yalnız qanun çərçivəsində vəziyyəti araşdırmaq məqsədilə regiona göndəriləcək.
Xarici İşlər Nazirliyinin məlumatına görə, həmin addım həm də yapon gəmilərinin təhlükəsizliyinin təmin olunmasına xidmət edəcək.
Vüqar Ağayev
AZƏRTAC-ın xüsusi müxbiri
Tokio
Rusiyalı üç paraşütçü stratosferdən Şimal Qütbünə enib
Astanada ŞƏT-ə üzv ölkələrin müdafiə nazirlərinin iclası keçiriləcək
ABŞ dövlət istiqrazlarının gəlirliliyi geosiyasi risklərə görə azalır
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib
OLED-displeyləri ilə təchiz edilmiş ilk bank kartı təqdim olunub