“Elm” qəzetinin yeni nömrəsi çapdan çıxıb
Bakı, 18 oktyabr, AZƏRTAC
Azərbaycan Milli Elmlər Akademiyası (AMEA) Rəyasət Heyətinin mətbu orqanı olan “Elm” qəzetinin növbəti nömrəsi bu gün çapdan çıxıb. Qəzetin bu nömrəsində AMEA-nın prezidenti, akademik Akif Əlizadənin rəhbərlik etdiyi nümayəndə heyətinin Bolqarıstana səfəri, görkəmli şərqşünas alim, professor Aida İmanquliyevanın 80 illik yubileyinə həsr olunan elmi konfrans, Rəyasət Heyətinin oktyabrın 16-da keçirilən iclası, Naxçıvan Bölməsində doqquz ayın yekunlarının müzakirəsi barədə məlumatlar verilib.
AMEA-dan AZƏRTAC-a bildirilib ki, bu nömrədə, həmçinin görkəmli publisist Əhməd bəy Ağaoğlunun anadan olmasının 150 illik yubileyinə həsr edilmiş tədbir, Biologiya və Tibb Elmləri Bölməsinin akademik-katibi, akademik Əhliman Əmiraslanovun İranın Təbriz Azad İslam Universitetinin rektoru ilə görüşü, Birləşmiş Veteranlar Şurasının iclası, eləcə də təltiflər, elanlar, AMEA-nın institutlarının yeni nəşrləri və digər məlumatlar oxucuya təqdim edilir.
Bundan əlavə, nəşrdə “Humanitar və ictimai elmlərin bələdçisi”, “Alim, nəcib insan, əsl ziyalı”, “Mənalı ömrün mərhələləri”, “Görkəmli alim və pedaqoq” sərlövhəli məqalələr yer alıb.
Qəzetdə, həmçinin rus dilində materiallar əksini tapıb.
Məktəblərdə direktor müavini vəzifəsinə işə qəbul üzrə təkrar müsahibə keçirilir
İlahiyyat İnstitutunun “Qonağınız müəllimlərinizdir” layihəsi davam edir
Aşqarlar Kimyası İnstitutunda mart soyqırımı qurbanlarının xatirəsi anılıb
BDU-da “31 Mart Azərbaycanlıların Soyqırımı Günüdür” adlı kitab sərgisi təşkil edilib