Aşqarlar Kimyası İnstitutunun əməkdaşları üçün maarifləndirici seminar
Bakı, 18 oktyabr, AZƏRTAC
“Clarivate Analytics” şirkəti AMEA-nın akademik Ə.Quliyev adına Aşqarlar Kimyası İnstitutunun əməkdaşları üçün maarifləndirici seminar təşkil edib.
İnstitutdan AZƏRTAC-a bildirilib ki, seminar “Beynəlxalq elmi jurnallarda məqalələrin yazılmasına dair tövsiyələr” və “Yırtıcı jurnallarla mübarizə” mövzularına həsr olunub.
Tədbiri giriş sözü ilə açan institutun elmi işlər üzrə direktor müavini, kimya üzrə elmlər doktoru, professor Mirzə Mövsümzadə elmi işçilərin məqalə yazması, çap etdirməsi baxımından seminarın faydalı olacağını deyib.
“Clarivate Analytics” şirkətinin elmi informasiya resursları üzrə eksperti İneş Kenjina tədbir iştirakçılarına “Web of Science” platformasına daxil olmaq üçün jurnallar, dərc ediləcək məqalələr qarşısında qoyulan tələblər, elmi məqalələrin təqdimetmə qaydaları, seçim meyarları və digər praktik məsələlərlə bağlı məlumat verib.
Sonda məruzəçi mövzu ətrafında sualları cavablandırıb.
ADA Universitetində keçirilən “Xəzər Hövzəsi Araşdırmaları” proqramı yekunlaşıb
BDU-da “Gələcəyin alimləri” adlı tələbələrin IX elmi konfransı keçirilib
Ümumi (9 illik) orta təhsil səviyyəsi üzrə keçirilən buraxılış imtahanının nəticələri açıqlanıb
Əqli Mülkiyyət Agentliyində ixtiraçılıq və patent analitikası mövzusunda təlim keçirilib