Belçikada əcnəbi işçilərin sayı artır
Brüssel, 17 oktyabr, AZƏRTAC
Belçikada işləyən hər yeddi adamdan biri əcnəbi vətəndaşdır.
AZƏRTAC xəbər verir ki, “Atsert Statistiks” tədqiqat təşkilatının bu gün açıqlanmış məruzəsində belə deyilir. Bu məlumat son 5 ildə Belçikada əcnəbi işçilərin sayının artdığını göstərir.
Brüsseldə işləyən əcnəbi vətəndaşların faizi daha çoxdur, paytaxtda işləyənlərin dörddəbir hissəsindən çoxunun Belçika vətəndaşlığı yoxdur. Belçikanın Brüssel rayonunda onların payı 27,4 faizə çatır.
Belçikada Avropa İttifaqının üzvü olan ölkələrin vətəndaşları arasında Niderland, Rumıniya, Polşa, Çexiya və Bolqarıstandan olanlar liderlik edirlər. Bu ölkələr həmin kateqoriya üzrə ilk beşliyə daxildir. Mərakeş, Türkiyə, Konqo, Rusiya və Hindistan Aİ-nin üzvü olmayan ilk beş ölkə sırasındadır.
Vüqar Seyidov
AZƏRTAC-ın xüsusi müxbiri
Brüssel
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
Türkiyəli nazir: Zəlzələ zonasında 300 min obyekt tikilir
Kiyev və Varşava təhlükəsizlik zəmanəti barədə saziş imzalamağı planlaşdırır