Azərbaycan nümayəndə heyəti Milli Olimpiya Komitələri Assosiasiyasının Baş Assambleyasında iştirak edir
Bakı, 17 oktyabr, AZƏRTAC
Oktyabrın 17-də Qətərin paytaxtı Dohada Milli Olimpiya Komitələri Assosiasiyasının (MOKA) Baş Assambleyası işə başlayıb.
AZƏRTAC xəbər verir ki, iclasda Azərbaycanı Milli Olimpiya Komitəsinin (MOK) vitse-prezidenti Çingiz Hüseynzadə, qurumun baş katibinin müavini Azər Əliyev və marketinq idarəsinin rəisi Mehman Kərimov təmsil edirlər.
Assambleya çərçivəsində MOKA-nın audit və maliyyə, marketinq, atletlər, beynəlxalq əlaqələr və tibbi komissiyalarının iclasları keçirilib, məruzələr dinlənilib. Həmçinin gənclər komissiyasının və icraiyyə şurasının, sonda isə Olimpiya həmrəyliyi komissiyasının iclasları keçiriləcək.
Xatırladaq ki, Doha oktyabrın 12-16-da birinci Dünya Çimərlik Oyunlarına ev sahibliyi edib. Bu Oyunlarda 7 idmançı ilə təmsil olunan Azərbaycan 4 gümüş və 1 bürünc medal qazanıb. Çimərlik güləşi yarışlarında Pənah İlyaslı (70 kq) və İbrahim Yusubov (80 kq) gümüş medala sahib olublar. Akuatlon yarışlarında isə Kseniya Levkovskaya ikinci, Rostislav Pevtsov isə üçüncü yeri tutublar. Millimiz qarışıq komanda yarışlarında da ikinci pillədə qərarlaşıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir