Yeni qayda təqribən 1 milyon uşağı pulsuz yeməkdən məhrum edə bilər
Vaşinqton, 17 oktyabr, AZƏRTAC
Yemək talonları alanların sayını azaltmağa çalışan Tramp Administrasiyasının təklifi qəbul edilsə, təqribən 1 milyon uşaq avtomatik olaraq pulsuz məktəb naharlarından məhrum olacaq.
AZƏRTAC xəbər verir ki, ABŞ Kənd Təsərrüfatı Nazirliyinin dərc etdiyi hesabata görə, dəyişikliklər 982 min uşağa toxuna bilər. Bu uşaqların təqribən yarısı məktəb naharını azaldılmış məbləğə – 40 sentə almalı, səhər yeməyinə görə isə 30 sent ödəməli olacaq. Təqribən 40 min uşaq naharın tam qiymətini ödəməli olacaq ki, bu qiymətlər də məktəbin yerləşdiyi rayondan asılı olaraq dəyişəcək. Qalan 445 min uşağın pulsuz yemək almaq hüququ olacaq, lakin onların ailələri pulsuz yemək proqramına qəbul edilmək üçün sənəd verməli olacaqlar.
Uzunmüddətli praktikaya görə, hazırda ailələri yemək talonları alan uşaqların pulsuz naharla təmin edilmək hüququ var. Tramp Administrasiyası aztəminatlı ailələrin qidalanması üçün talonların verilməsinə imkan verən Məhsulları Güzəştli Qiymətlərlə Alma Proqramında (SNAP) iştirak hüququnu sərtləşdirməyi təklif edib. ABŞ Kənd Təsərrüfatı Nazirliyi proqram çərçivəsində gəlir barədə qaydalara dəyişiklikləri təklif etmir. Nazirliyin nümayəndələri bildirirlər ki, onlar proqramın təklif etdiyi azuqədən sui-istifadə edən insanlara SNAP-da iştirak etmək hüququ verən boşluqları aradan qaldırmaq istəyirlər.
Yusif Babanlı
AZƏRTAC-ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır