Bakı, 17 oktyabr, AZƏRTAC

Mərakeşdə keçirilən cüdo üzrə gənclər arasında dünya çempionatının ikinci günündə 2 idmançımız mübarizəyə qoşulur.
AZƏRTAC xəbər verir ki, Yaqub Cavadov bolqarıstanlı Mark Xristovla, Südabə Ağayeva kanadalı İzabelle Harrislə qarşılaşacaqlar.
Qeyd edək ki, yarışın birinci günündə Azərbaycan cüdoçuları Əhməd Yusifov (60 kq) gümüş, İbrahim Əliyev (66 kq) isə bürünc medal qazanıblar. Yarışda Azərbaycanı 9 kişi və 2 qadın olmaqla ümumilikdə 11 cüdoçu təmsil edir. Turnirdə 81 ölkədən 500-dən çox tatami ustası mübarizə aparır.
Dünya çempionatı oktyabrın 19-da başa çatacaq.