Bakı, 16 oktyabr, AZƏRTAC 

Koreyanın Elm və Texnologiya Siyasəti İnstitutunun (STEPİ) nümayəndələri - təlimlər qrupunun rəhbəri Eun Yo Kim, layihənin koordinatoru So Hyun Kvon, Hanbat Universitetinin professoru Yonq İn Çoi Azərbaycan Milli Elmlər Akademiyasının İdarəetmə Sistemləri İnstitutunda (İSİ) olublar.
İnstitutdan AZƏRTAC-a bildirilib ki, koreyalı qonaqlar elmi müəssisədə görülən son işlərlə bağlı sərgi ilə tanış olublar. İdarəetmə Sistemləri İnstitutunun direktoru, akademik Telman Əliyev rəhbərlik etdiyi müəssisədə həyata keçirilən layihələr barədə ətraflı məlumat verib.
Görüşdə iki institut arasında əməkdaşlıq məsələləri müzakirə olunub.