Neonatologiya üzrə II Bakı beynəlxalq konqresinin treninq mərhələsinə start verilib
Bakı, 16 oktyabr, AZƏRTAC
Oktyabrın 16-da Azərbaycan Tibb Universitetinin (ATU) Tədris Cərrahiyyə Klinikasında neonatologiya üzrə II Bakı beynəlxalq konqresinin treninq mərhələsinə start verilib.
ATU-nun mətbuat xidmətindən AZƏRTAC-a bildiriblər ki, tədbirdə Səhiyyə Nazirliyinin baş neonatoloqu, Elmi-Tədqiqat Mamalıq və Ginekologiya İnstitutunun yenidoğulanların reanimasiya şöbəsinin müdiri Rüstəm Hüseynov yenidoğulmuşlara göstərilən tibbi yardımın keyfiyyətinin yaxşılaşdırılması, bu sahədə çalışan tibb işçilərinin peşə bacarıqları və biliklərinin artırılması baxımından təlimlərin təşkilinin əhəmiyyətli olduğunu qeyd edib.
ABŞ-ın Vanderbilt Universitetinin neonatologiya şöbəsinin dosenti Skot Qutri çıxış edərək ölkəmizin müxtəlif bölgələrindən gələn həkimlərə neonatologiyada müasir yanaşma prinsiplərindən danışıb, təcrübi vərdişlər üzərində izahlar verib.
Təlimlər çərçivəsində bir sıra elmi məqalələrin yazılması və digər məsələlərlə bağlı müzakirələr təşkil olunacaq. Treninq zamanı klinik tədqiqatların təşkili ilə bağlı sessiyaların keçirilməsi nəzərdə tutulub. Eyni zamanda, bir sıra yerli və xarici neanotoloqların məruzələrinin dinlənilməsi də planlaşdırılır.
Treninqlər üç gün davam edəcək. Tədbirə neonatologiya üzrə ikinci Bakı beynəlxalq konqresi və Azərbaycan-Türkiyə 3-cü intensiv təlim kursunun iştirakçıları qatılıblar.
Qeyd edək ki, konqres oktyabrın 17-də, intensiv təlim kursları isə oktyabrın 18-19-da keçiriləcək.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar