“El-Klassiko”nun yeri dəyişə bilər
Bakı, 16 oktyabr, AZƏRTAC
İspaniya çempionatının IX turunda “Barselona” və “Real Madrid” komandaları arasında keçiriləcək oyunun yerini dəyişə bilər.
AZƏRTAC xəbər verir ki, İspaniya çempionatının rəhbərliyi siyasi liderlərin məhkəmə hökmlərinə etiraz əlaməti olaraq Barselonada keçirilən aksiyalara görə kluba müvafiq sorğu göndərib.
Görüşün oktyabrın 26-da “Nou Kamp”da keçirilməsi nəzərdə tutulub. Ancaq təşkilatçı qurum şəhərdəki gərgin vəziyyətin belə vacib görüşün keçirilməsinə mənfi təsir göstərə biləcəyindən qorxur. Ona görə də klublara oyunların yerlərini dəyişdirmək təklif olunub. Yəni “Barselona”nın ikinci dövrədə “El-Klassiko”ya ev sahibliyi etməsi uyğun görünür.
Qeyd edək ki, hazırda “Real Madrid” 18 xalla İspaniya çempionatının turnir cədvəlində birinci, “Barselona” isə 16 xalla ikinci pillədə qərarlaşıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir