Bakı, 15 oktyabr, AZƏRTAC

Azərbaycan tarixinin və mədəniyyətinin ölkəmizin gəncləri arasında təbliği məqsədilə Gənclər Fondunun, İctimai Televiziya və Radio Yayımları Şirkətinin “Əcdadların Mirası” ilk əyləncəli-etnoqrafik layihəsi çərçivəsində milli yarış təşkil olunub.
Fonddan AZƏRTAC-a bildiriblər ki, Azərbaycanın müxtəlif regionlarından seçilmiş gənclərdən ibarət dörd komanda ölkəmizin tarixi, mədəniyyəti, adət-ənənələri və təbiəti ilə bağlı məntiq və bilik yarışında mübarizə aparıblar. İştirakçılar, həmçinin müxtəlif tapşırıqlarda güc və dözümlülüklərini sınayıblar.
Altı mərhələdən ibarət yarış müxtəlif bölgələrdə keçirilir.