Oğuzda məntəqə seçki komissiyalarının sədrləri seçki hüququ üzrə maarifləndirilirlər
Oğuz, 15 oktyabr, Mustafa Dadaşov, AZƏRTAC
117 saylı Oğuz-Qəbələ seçki dairəsində oktyabrın 15-də başlanan seçki hüququ üzrə ixtisaslaşdırılmış kurslara dairə seçki komissiyasının 9 üzvü və 56 məntəqə seçki komissiyasının sədrləri cəlb edilib.
Azərbaycan Respublikası Prezidentinin 2011-ci il 27 dekabr tarixli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı” əsasında təşkil olunan və üç gün davam edəcək kurslar dairə seçki komissiyaları üzvlərinin və məntəqə seçki komissiyaları sədrlərinin peşəkarlıq səviyyəsini artırmaq məqsədi daşıyır.
AZƏRTAC-ın bölgə müxbiri xəbər verir ki, kursların birinci günü Oğuz Rayon İcra Hakimiyyəti başçısının müavini Etibar Yusubov, Rayon Məhkəməsinin sədri Kamran Süleymanov və Rayon Polis Şöbəsinin rəis müavini, polis mayoru Ramil Şükürovun məruzələri dinlənilib. Seminar iştirakçılarına seçici siyahıları ilə işin aparılması, seçkiqabağı təşviqatın aparılmasına şərait yaradılması, bildirişlərin seçicilərə çatdırılması və sair bu kimi istiqamətlərdə yerli icra və bələdiyyə qurumlarının rolu və onların seçki komissiyaları ilə səmərəli qarşılıqlı əlaqələrinin qurulması, həmçinin seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri barədə ətraflı məlumat verilib.
Sonra 117 saylı Oğuz-Qəbələ seçki dairəsi dairə seçki komissiyasının sədri Rəsul Cəfərovun aparıcılığı ilə “Seçici siyahıları ilə iş qaydası” mövzusunda seminar məşğələ keçirilib, məntəqə seçki komissiyaları sədrlərinin müzakirə olunan məsələlərlə bağlı sualları cavablandırılıb.
“Şahin” hərbi-idman oyununun Şəki rayon turunda 11 komanda mübarizə aparıb
35 ailədən ibarət növbəti köç karvanı Füzuliyə çatıb
Qubada 3-cü “Aqrobiznesin İnkişafı Forumu” keçirilir
Bərdədə “Peşə təhsili və özəl dövlət əməkdaşlığı” mövzusunda regional forum keçirilir
Nazir: TDT-nin platformasından istifadə etməklə biz aqrar sektorun inkişafına töhfə verə bilərik