Bakı, 15 oktyabr, AZƏRTAC

Gəncə Şəhər Gənclər və İdman Baş İdarəsinin təşkilatçılığı ilə 18 Oktyabr - Azərbaycan Dövlət Müstəqilliyi Gününə həsr olunmuş badminton üzrə şəhər birinciliyi keçirilib.
AZƏRTAC Gənclər və İdman Nazirliyinin saytına istinadla xəbər verir ki, 80 idmançının mübarizə apardığı birincilik 2003-2009-cu il təvəllüdlü qızlar və oğlanlar arasında təşkil olunub.
Sonda hər yaş qrupunda ilk üç yeri tutan idmançılar Gəncə Şəhər Gənclər və İdman Baş İdarəsi tərəfindən diplom və fəxri fərmanla mükafatlandırılıblar.