Bu il Şəkinin üzüm bağlarından 3906 ton məhsul yığılıb
Şəki, 15 oktyabr, Mustafa Dadaşov, AZƏRTAC
Şəki rayonunun təsərrüfatlarında üzüm yığımı başa çatıb. Rayonda 304 hektar barverən üzüm bağları var. Torpaq mülkiyyətçiləri bu il bağlardan 3906 ton məhsul tədarük ediblər. İstehsal olunan məhsul satış üçün əsasən daxili bazarlara, həmçinin rayonda fəaliyyət göstərən şərab zavoduna göndərilib.
Bu barədə AZƏRTAC-ın bölgə müxbirinə Şəki Dövlət Aqrar İnkişaf Mərkəzinin bitkiçilik sektorunun müdiri Sahib Abdulhəmidov məlumat verib.
Sektor müdiri bildirib ki, rayonda gələn ilin məhsulu üçün payızlıq dənlilərin əkini də gündən-günə sürətlənir. Fermerlər indiyədək 5020 hektarı arpa, 3220 hektarı buğda olmaqla, 8240 hektar sahəyə toxum səpiblər. Payızlıq dənlilərin əkini üçün indiyədək təsərrüfatlarda 53,4 min hektar sahədə şum aparılıb. Cari mövsümdə rayonda 65 min hektar sahədə payızlıq dənlilərin əkini proqnozlaşdırılır.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb