Timur Əsgərov “Kralın əyləncəsi” baletində baş rolda çıxış edəcək
Bakı, 15 oktyabr, AZƏRTAC
Dekabrın 11-də Sankt-Peterburq Dövlət Akademik Mariya Teatrında Jan-Filip Ramonun “Kralın əyləncəsi” baleti nümayiş olunacaq.
AZƏRTAC teatrın saytına istinadla xəbər verir ki, səhnə əsərində Kral obrazını Azərbaycan Respublikasının Əməkdar artisti Timur Əsgərov canlandıracaq.
Baletin premyerası 2015-ci ildə Mariya Teatrında olub.
T.Əsgərov 2008-ci ildə Bakı Xoreoqrafiya Akademiyasını bitirib, Azərbaycan Dövlət və Ukrayna Milli Akademik opera və balet teatrlarında çalışıb. O, 2011-ci ildən Mariya Teatrında fəaliyyət göstərir. Teatrın truppası ilə birlikdə Avropa, Amerika və Asiya ölkələrində qastrolda olub.
Teatr forumunun vaxtı dəyişdirilib
“Azərbaycan sənədli kino salnaməsi” çərçivəsində növbəti tədbir
Operasevərlər üçün “Bohema” növbəti dəfə