Hüseyn Cavidin “İblis” əsərinin Monteneqro dilinə tərcüməsi başa çatdırılıb
Budapeşt, 14 oktyabr, AZƏRTAC
Məşhur Azərbaycan dramaturqu Hüseyn Cavidin “İblis” əsərinin Monteneqro dilinə tərcüməsi başa çatdırılıb.
AZƏRTAC xəbər verir ki, tərcümənin təqdimat mərasimi yaxın vaxtlarda Podqoritsada keçiriləcək.
Serbiyanın populyar “Danas” nəşrində bu barədə məlumat dərc edilib. Materialda yazıçının qısa tərcümeyi-halı verilir. Qeyd edilir ki, Hüseyn Cavidin həyat və yaradıcılığı mürəkkəb tarixi dövrə - Stalin totalitarizmi illərinə təsadüf edir. Yazıçılara məlumat kimi bildirilir ki, Cavid Sibirə sürgün edilib və 1941-ci ildə orada vəfat edib.
Xatırladaq ki, 2013-cü ildə Azərbaycan hökumətinin fəal dəstəyi ilə Podqoritsadakı Kral parkında Hüseyn Cavidin büstü qoyulub. Büstün açılış mərasimində Azərbaycandan gəlmiş yüksəkvəzifəli qonaqlar iştirak ediblər.
“İblis” əsərinin tərcüməsinin təqdimat mərasimi Azərbaycanın Monteneqrodakı diplomatik missiyası tərəfindən Azərbaycan-Monteneqro mədəni və iqtisadi mərkəzi ilə birgə təşkil ediləcək. Mərasimdə Azərbaycanın və Monteneqronun görkəmli yazıçılarının iştirakı və çıxışları gözlənilir.
Pərvanə Qarayeva
AZƏRTAC-ın xüsusi müxbiri
Budapeşt
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir