Elmi-praktiki konfrans ürək çatışmazlığının müalicəsində yeniliklərə həsr olunub
Bakı, 14 oktyabr, AZƏRTAC
Azərbaycan Tibb Universitetinin Tədris Terapevtik Klinikasının ürək-damar mərkəzinin təşkilatçılığı ilə “Ürək çatışmazlığının müalicəsində yeniliklər” mövzusunda elmi-praktiki konfrans keçirilib.
Universitetin mətbuat xidmətindən AZƏRTAC-a verilən məlumata görə, konfransda tibb üzrə fəlsəfə doktoru Qalib İmanov “Xroniki ürək çatışmazlığının müalicəsində paradiqma dəyişir” mövzusunda məruzə ilə çıxış edərək ürək çatışmazlığı olan xəstələrin müalicəsində yeni tətbiq olunan dərman preparatlarının əhəmiyyətindən danışıb.
Tibb üzrə fəlsəfə doktoru Yasmin Rüstəmovanın “Ən son tədqiqatların ürək xəstələrində istifadə təcrübəsi” və İsmayıl Göyüşovun “Ürək çatışmazlığı xəstələrində aritmiya problemləri və onların həlli yolları” mövzusunda məruzələri dinlənilib.
Müzakirələr zamanı ətraflı fikir mübadiləsi aparılıb, iştirakçıları maraqlandıran suallar cavablandırılıb.
Akademik C.Abdullayev adına Elmi-Tədqiqat Kardiologiya İnstitutunun professoru Rufulla Abdullayev ürək-damar xəstəliklərinin diaqnostikası, müalicəsi və profilaktikasında müasir yanaşmanın vacibliyini qeyd edərək gənc mütəxəssislərə öz tövsiyələrini verib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar