Nazirlik rəsmisi: Azərbaycanda elektron ticarət vahid sənəd çərçivəsində inkişaf etdiriləcək
Bakı, 14 oktyabr, Pərvanə Rəhimova, AZƏRTAC
Azərbaycanda elektron ticarət (e-ticarət) vahid sənəd çərçivəsində inkişaf etdiriləcək.
AZƏRTAC xəbər verir ki, bu barədə Nəqliyyat, Rabitə və Yüksək Texnologiyalar Nazirliyinin nümayəndəsi Rəşad Əzizov oktyabrın 14-də Bakıda keçirilən mətbuat konfransında deyib.
O bildirib ki, sözügedən sənədin layihəsi üzrə iş aparılır: “Hazırda e-ticarətin inkişafı ilə bağlı ayrı-ayrı istiqamətlər üzrə Strateji Yol xəritələrində əks olunub və müxtəlif qurumlar bu istiqamətlərə cavabdehdir. II Bakı Elektron Ticarət Forumunda aparılacaq müzakirələr bizə imkan verəcək ki, bu barədə qərar verək. Ötən dəfə bu, tövsiyə xarakterli bir bəyannamə idi və həmin bəyannamə sonradan müvafiq instansiyalara təqdim olundu. Artıq sözügedən sənədin layihəsi ətrafında işlər aparılır. Ümid edirik, II Bakı Elektron Ticarət Forumu bu prosesi daha da sürətləndirəcək”.
R.Əzizov qeyd edib ki, ümumilikdə ölkədə e-ticarətin inkişafının əsas meyarları ən vacib və gündəmdə olan məsələlərdəndir: “Məsələ ondadır ki, əhali daha çox xarici platformalardan istifadə edir. Amma fikrimizcə, yerli platformaların inkişafı hazırda dövlət qurumları üçün bir prioritet olmalıdır. Bu istiqamətdə aparılan işlər və layihələr bu məqsədə yönəlməlidir. Bu barədə geniş diskussiya builki Bakı Elektron Ticarət Forumunun əsas mövzusu olacaq”.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb