Yaponiya Meteorologiya Agentliyi fövqəladə xəbərdarlıq yayıb
Tokio, 12 oktyabr, AZƏRTAC
Yaponiya Meteorologiya Agentliyi leysan yağışlarla əlaqədar Tokioda və ətraf prefekturalarda fövqəladə vəziyyətlə bağlı xəbərdarlıq yayıb.
AZƏRTAC xəbər verir ki, agentlik beş ballıq cədvəl üzrə ən yüksək təhlükə dərəcəsi elan edib. Xəbərdarlığın əsasən Şizuoka, Kanaqava, Saytama, Qunma, Yamanaşi və Naqano prefekturalarına və Tokio rayonuna aid olduğu bildirilir.
Həmin prefekturalarda güclü leysan yağışlar müşahidə edilir. Bununla əlaqədar torpaq sürüşmələri və daşqınlar gözlənilir. Tufanın mərkəzində küləyin sürətinin saniyədə 45 metrə, daha sürətlə əsdikdə 60 metrə çatdığı bildirilir. Belə güclü külək həm Tokay, həm də Kanto-Koşin regionlarında gözlənilir.
Agentliyin bildirdiyinə görə, şənbə gününün ikinci yarısı Tokay və Kanto regionlarına çatacaq tufan öz miqyasını və gücünü saxlayacaq.
Qeyd edək ki, beşinci dərəcəli xəbərdarlıq təbii fəlakətin indiki anda baş verdiyi deməkdir. Həmin ərazilərin əhalisinə çağırış edilib ki, öz təhlükəsizliyini təmin etmək üçün bütün lazımi tədbirlər görsünlər.
İnsanlar təxliyə mərkəzlərinə doğru hərəkətin təhlükəli olduğunu hesab edirlərsə, bu zaman hakimiyyət orqanları onlara daha yuxarı mərtəbələrə və ya yaxınlıqdakı daha möhkəm binalara sığınmağı məsləhət görür.
Vüqar Ağayev
AZƏRTAC-ın xüsusi müxbiri
Tokio
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb
Bu ilin üç ayında Rusiyadan Çinə neft ixracı 13 faiz artıb
Almaniya 2022-ci ildə təhsil və tədqiqat işlərinə 370 milyard avro xərcləyib
ABŞ qoşunlarını Nigerdən çıxarmağa razıdır
Macarıstanın Baş naziri yenə də Aİ rəhbərliyini istefaya çağırıb