Donald Tramp ABŞ ilə Çin arasında ticarət danışıqlarının birinci mərhələsinin başa çatdığını elan edib
Vaşinqton, 11 oktyabr, AZƏRTAC
Prezident Donald Tramp Birləşmiş Ştatlar ilə Çin arasında ticarət danışıqları çərçivəsində sazişin qismən əldə edildiyini açıqlayıb. Tramp bildirib ki, bir ildən çox dünya iqtisadiyyatında mövcud olan qeyri-müəyyənliyin aradan qaldırılmasına yönəldilmiş danışıqların birinci mərhələsinin başa çatmasına dair tərəflər arasında razılıq əldə olunub. Tarif müharibələri nəticəsində iki ölkə arasında yaranmış qeyri-müəyyənlik qlobal səviyyədə iqtisadi inkişafın yavaşımasına gətirib çıxarıb.
AZƏRTAC xəbər verir ki, Tramp administrasiyasının bu ay Çin mallarının idxalı üçün nəzərdə tutduğu tariflərin yeni raundu qeyri-müəyyən vaxtadək təxirə salınıb.
Tramp Çin Baş Nazirinin müavini Lyu He ilə Ağ Evdə görüşü zamanı deyib: “Çinlə danışıqlarımızdan mühüm heç nə yoxdur. Biz sazişin əhəmiyyətli mərhələsinə yaxınlaşmışıq”.
Tramp daha əvvəl, bu ilin əvvəlində He ilə görüşdüyü zaman onlar razılığa gələ bilməyiblər. Prezident Tramp Twitter səhifəsində “yaxşı işlər baş verir” sözlərini yazandan sonra fond birjalarında səhmlərin qiymətləri kəskin artıb.
Yusif Babanlı
AZƏRTAC-ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır