ABŞ Daxili Təhlükəsizlik naziri vəzifələrini icra edən Kevin MakAlinan istefa verib
Vaşinqton, 12 oktyabr, AZƏRTAC
ABŞ Daxili Təhlükəsizlik naziri vəzifələrini icra edən Kevin MakAlinan bu qurumun rəhbəri vəzifəsində cəmi altı ay işləyəndən sonra istefa verib. Kevin MakAlinanın istefaya getməsi barədə Prezident Tramp öz Twitter səhifəsində məlumat verib.
AZƏRTAC xəbər verir ki, Tramp MakAlinanın yaxşı işinə görə ona təşəkkürünü bildirərək deyib: “Hökumətdə uzun illər işləmiş Kevin indi öz ailəsinə daha çox vaxt ayırmaq, özəl sektora keçmək istəyir”.
MakAlinan Tramp administrasiyasında istefaya gedən növbəti yüksəkvəzifəli məmurdur. MakAlinanın istefaya getməsinə səbəb mətbuatda onun işindən narazılıq və administrasiyanın digər vəzifəli şəxsləri ilə münaqişə olması barədə məlumatlar dərc edilməsi olub.
MakAlinan istefa ərizəsində yazıb: “Daxili Təhlükəsizlik Nazirliyinin əməkdaşları ilə birgə xidmət etmək imkanına görə Prezidentə təşəkkürümü bildirmək istəyirəm. Onun dəstəyi sayəsində son altı ayda biz böyük tərəqqiyə nail olmuşuq”.
Xatırladaq ki, MakAlinan hüquq-mühafizə orqanları sistemində böyük təcrübəyə malikdir. Buş və Obama administrasiyaları dövründə MakAlinan illər boyu ABŞ Gömrük və Sərhəd Nəzarəti Bürosunda xidmət edib. Tramp MakAlinanı ABŞ-Meksika sərhədində qeyri-leqal miqrantlar axınının qarşısını almağa cəlb etmişdi.
Yusif Babanlı
AZƏRTAC–ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır