Travmalar zamanı vaxtında və düzgün aparılmayan müalicə əlilliyə səbəb ola bilər
Bakı, 11 oktyabr, AZƏRTAC
Xroniki ağrılar çox geniş yayılmış xəstəliklərdən biridir. Xroniki ağrılar ya hər hansı bir xəstəliyin vaxtında müalicə olunmadan xroniki vəziyyətə keçməsi hesabına əmələ gəlir, ya da hər hansı bir özünəqapanma və sinir sarsıntısından sonra yaranır. Travmalar zamanı vaxtında və düzgün müalicə aparmadıqda ağrılar xroniki vəziyyətə keçərək xəstələrə pis təsir edir. Hətta belə ağrılar gələcəkdə əlilliyə də səbəb ola bilər. Xroniki ağrılar xəstəni narahat etməklə bərabər onun sinir sisteminə də kəskin təsir göstərir. Ona görə də xroniki ağrılar zamanı mütləq həkimə müraciət edilməlidir. Müasir fizioterapiya ayrı-ayrı müalicə üsulları və reabilitasiya vasitəsilə xroniki ağrıları aradan qaldırmaq imkanına malikdir.
Bu barədə AZƏRTAC-a müsahibəsində Azərbaycan Tibb Universitetinin fizioterapiya və tibbi reabilitasiya kafedrasının assistenti Nurlana Əliyeva məlumat verib.
“Fizioterapiyaya hər yaşda müraciət olunur. Əgər kəskin və ciddi problem yoxdursa, 5 yaşadək uşaqlarda bütün növ ağrılar, şikayətlər zamanı gözləmə taktikasını seçmək olar. Beş yaşdan yuxarı xəstələrdə isə reabilitasiya bütün yaş kateqoriyasında aparıla bilər. Qəzalardan sonra həyati göstərişli zədələr olduqda yaşdan asılı olmayaraq fizioterapiya aparılır”, - deyə N.Əliyeva qeyd edib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar