Azərbaycan Dövlət
İnformasiya Agentliyi

A
A
A
Sazlamalar

Düsseldorfda azərbaycanlı kikboksçunun iştirakı ilə döyüş keçirəcək

Berlin, 11 oktyabr, AZƏRTAC

Azərbaycan kikboksçusu Bəhram Rəcəbzadə növbəti döyüşünü oktyabrın 12-da Almaniyanın Düsseldorf şəhərində keçirəcək.
Azərbaycan-Türk Kültür və Dayanışma Dərnəyindən AZƏRTAC-a bildiriblər ki, dünyaca məşhur “Glory kikboksinq” turnirində 95 kiloqram çəki dərəcəsində yarışan idmançımızın rəqibi litvalı döyüşçü Sergey Masloboyev olacaq.
Hazırda Kölndə məşqlərini davam etdirən Bəhram Rəcəbzadə əslən Cənubi Azərbaycanın Urmiya şəhərindəndir.
Azərbaycan Kikboksinq Federasiyasının (AKF) rəhbəri Adil Əliyev və AKF-nin vitse-prezidenti Güloğlan Cabbarov döyüşü izləmək və idmançımızı dəstəkləmək üçün Almaniyaya gələcəklər.
Vüqar Seyidov
AZƏRTAC-ın xüsusi müxbiri
Berlin

İdman 2019-10-10 23:30:00