Dekabrda Bakıda əqli mülkiyyət hüquqları mövzusunda konfrans keçiriləcək
Bakı, 10 oktyabr, Pərvanə Rəhimova, AZƏRTAC
Oktyabrın 10-da ABŞ-ın ölkəmizdəki səfirliyinin Ticarət Müşaviri Kyle Rohrich və kommersiya məsələləri üzrə mütəxəssis Gövhər Məmmədova İnnovasiyalar Agentliyində olub.
Agentliyin mətbuat xidmətindən AZƏRTAC-a bildirilib ki, İnnovasiyalar Agentliyinin idarə heyətinin sədri Tural Kərimli qonaqlara ABŞ və İsraildə baş tutmuş “InEx” proqramları, həmçinin Azərbaycanda gedən innovativ inkişaf və mövcud ekosistem haqqında məlumat verib.
Görüşdə iki ölkə arasında innovasiya və yüksək texnologiyalar sahəsində əməkdaşlıq imkanları və investisiya perspektivləri müzakirə edilib. Qonaqlara uğurlu startaplar, beynəlxalq layihələr və investisiyalarla bağlı məlumat verilib.
ABŞ səfirliyinin nümayəndələri birgə tədqiqat və inkişaf mərkəzlərinin yaradılması və ekosistem liderləri üçün mübadilə proqramının vacibliyinə toxunublar. Tərəflər bu ilin dekabrında əqli mülkiyyət hüquqları mövzusunda konfrans keçirmək qərarına gəliblər.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb