Azərbaycan Dövlət
İnformasiya Agentliyi

A
A
A
Sazlamalar

Donald Tramp “Forbes”in reytinqində 119 mövqe geriləyib

Bakı, 10 oktyabr, AZƏRTAC

Birləşmiş Ştatlar Prezidenti Donald Tramp “Forbes” jurnalının tərtib etdiyi ABŞ-ın ən varlı insanları reytinqində son il ərzində 16 pillə geriləyib.
AZƏRTAC “Forbes” nəşrinə istinadla xəbər verir ki, Ağ evin rəhbəri yeni siyahıda 275-ci yerdə qərarlaşıb. Donald Tramp prezident postunda işlədiyi dövr ərzində ümumilikdə 119 mövqe itirib.
Artıq ikinci ildir ki, Amerika prezidentinin varidatı 3,1 milyard dollar təşkil edir.
ABŞ-ın ən varlı şəxsləri reytinqində ilk üç yerin sahibi isə dəyişməz qalıb. Siyahıda ilk yeri “Amazon” kompaniyasının qurucusu Ceff Bezos tutur - 114 milyard dollar. Reytinqin ikinci pilləsində “Microsoft” kompaniyasının banisi Bil Qeyts (106 milyard dollar), üçüncü pilləsində isə sərmayəçi Uorren Baffet (80,8 milyard dollar) qərarlaşıb.

Dünya 2019-10-10 12:26:00