Azərbaycan Dövlət
İnformasiya Agentliyi

A
A
A
Sazlamalar

AzMİU-da Memarlar Günü münasibətilə kitab sərgisi təşkil olunub

Bakı, 9 oktyabr, AZƏRTAC

Azərbaycan Memarlıq və İnşaat Universitetində (AzMİU) Memarlar Gününə həsr olunmuş kitab sərgisi təşkil edilib.
Universitetin elektron kitabxanasının təşkil etdiyi sərginin açılışında rektor Gülçöhrə Məmmədova, ali məktəbin professor-müəllim heyəti iştirak edib.
AzMİU-dan AZƏRTAC-a bildirilib ki, sərgiyə tələbələr də böyük maraq göstərib, onlar nümayiş etdirilən nadir kitablarla tanış olublar.
Qeyd edək ki, Memarlar Günü Beynəlxalq Memarlar İttifaqının təşkil olunması ilə eyni vaxtda - 1946-cı ildə İsveçrənin Lozanna şəhərində təsis olunub. Həmin vaxtdan başlayaraq hər il oktyabr ayının birinci bazar ertəsi bütün dünyada Memarlar Günü kimi qeyd olunur. Dünyanın 116 ölkəsində 1 milyondan çox memar, Azərbaycanda isə 5 mindən artıq mütəxəssis memarlıq fəaliyyəti ilə məşğuldur və bu günü peşə bayramı kimi qeyd edir.

Elm və təhsil 2019-10-09 18:20:00