Azərbaycan Dövlət
İnformasiya Agentliyi

A
A
A
Sazlamalar

İlahiyyat İnstitutu yeni layihəyə start verir

Bakı, 9 oktyabr, AZƏRTAC 

Azərbaycan İlahiyyat İnstitutu tələbələrin dünyagörüşünün artırılması və maarifləndirilməsi üçün yeni layihəyə start verir.
İnstitutdan AZƏRTAC-a bildirilib ki, “Bədii əsər oxuma müsabiqəsi” layihəsində yerli və xarici ədəbiyyatın görkəmli nümayəndələrinin seçmə əsərlərinin oxunması nəzərdə tutulur.
Layihə “Bədii əsər oxuma müsabiqəsi (yerli ədəbiyyat)” və “Bədii əsər oxuma müsabiqəsi (xarici ədəbiyyat)” başlığı altında ildə iki dəfə keçiriləcək.
“Bədii əsər oxuma müsabiqəsi (yerli ədəbiyyat) - I” dekabrın 21-də olacaq. Layihədə İsa Hüseynovun “Məhşər”, Süleyman Rəhimovun “Mehman”, Məmməd Səid Ordubadinin “Qılınc və qələm”, Cəfər Cabbarlının “Almaz”, Hüseyn Cavidin “İblis” əsərlərinin oxunması nəzərdə tutulur. Müsabiqənin sonunda qaliblər mükafatlandırılacaq.
Müsabiqədə iştirak etmək istəyən tələbələr noyabrın 30-dək institutda qeydiyyatdan keçməlidirlər.

Elm və təhsil 2019-10-09 14:21:00