TANAP-ın icrası çərçivəsində 1000-dək layihə reallaşdırılıb
İstanbul, 8 oktyabr, Samirə Quliyeva, AZƏRTAC
TANAP layihəsinin icrası çərçivəsində bu günədək boru kəməri marşrutu boyunca sosial və ətraf mühitin mühafizəsi məqsədilə 1000-dək layihə həyata keçirilib.
AZƏRTAC xəbər verir ki, bu barədə TANAP-ın baş direktoru Saltuk Düzyol oktyabrın 8-də İstanbulda keçirdiyi mətbuat konfransında deyib.
S.Düzyol qeyd edib ki, layihənin icrası zamanı boru kəmərinin keyfiyyətində, ətraf mühitin mühafizəsində, əməyin təhlükəsizliyində və sağlamlığın qorunmasında beynəlxalq standartlara əməl olunub. Layihə çərçivəsində 131 min 620 əsas xətt borusunun qaynağı həyata keçirilib. İnşaat çərçivəsində 5 milyon kubmetrdən çox qazıntı işi və 7 minədək xüsusi keçid həyata keçirilib. Boru kəmərinin keçdiyi ən yüksək nöqtə 2760 metr, ən dərin nöqtə isə dəniz səviyyəsindən 65 metr aşağıda qeydə alınıb.
Azərbaycan neftinin qiyməti dəyişməyib
Dünya birjalarında neft ucuzlaşıb
“Şahdəniz” yatağından ümumilikdə 200 milyard kubmetr qaz hasil olunub
Dünya birjalarında neft bahalaşıb
Növbəti həftə 1 şəhər və 3 rayonda “Azəriqaz”ın “Açıq mikrofon” aksiyası keçiriləcək