Dünyaca məşhur iki ifaçı eyni səhnəni bölüşəcək
Bakı, 24 sentyabr, AZƏRTAC
Sentyabrın 25-də Beynəlxalq Muğam Mərkəzində XI Üzeyir Hacıbəyli Beynəlxalq Musiqi Festivalı çərçivəsində Bolqarıstanın tanınmış violonçel ifaçısı Veliçka Yoçeva və Azərbaycanın Xalq artisti, pianoçu Murad Hüseynov konsert proqramı ilə çıxış edəcəklər.
AZƏRTAC xəbər verir ki, Veliçka Yoçeva Beynəlxalq Muğam Mərkəzinin səhnəsində ilk dəfə çıxış edəcək. Konsertdə Azərbaycan və dünya bəstəkarlarının əsərləri səslənəcək.
Biletləri iTicket.az-dan əldə etmək mümkündür.
Qeyd edək ki, Azərbaycanın tanınmış pianoçusu, Xalq artisti Murad Hüseynov musiqimizi dünyanın mötəbər səhnələrində layiqincə təmsil edən sənətkarlardandır. Fransanın məşhur “Mezzo” musiqi telekanalında ilk dəfə çıxış edən azərbaycanlı musiqiçi bu günə kimi dünyanın məşhur kollektivləri ilə eyni səhnəni bölüşüb.
Məşhur violonçel ifaçısı Veliçka Yoçeva Çaykovski adına Moskva Dövlət Konservatoriyasının məzunudur. Hazırda Kanadada yaşayan ifaçı bir çox nüfuzlu beynəlxalq müsabiqələrin qalibi olmaqla yanaşı, Monreal Universitetində elmi fəaliyyətini davam etdirir.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir