×
A
A
A
Sazlamalar

Məhəmməd Cavad Zərif: Müharibəni başlayan tərəf onu başa çatdıra bilməyəcək

Tehran, 22 sentyabr AZƏRTAC

Müharibəni başlayan tərəf onu başa çatdıra bilməyəcək.
AZƏRTAC xəbər verir ki, bu sözləri İranın Xarici İşlər naziri Məhəmməd Cavad Zərif ABŞ-ın CBS televiziya kanalına verdiyi müsahibəsində deyib.
Nazir bildirib ki, heç bir halda İran hərbi əməliyyatlara birinci başlamayacaq. Lakin siyasi hadisələrin təhlili onu göstərir ki, proses hərbi əməliyyatları yaxınlaşdırır.
M.C.Zərif müharibənin baş verməyəcəyindən əmin olmadığını bildirib. O qeyd edib ki, vəziyyət çox gərgindir. Amma bir məsələ aydındır ki, müharibəni başlayan tərəf onu uğurla başa çatdıran tərəf olmayacaq.
Xatırladaq ki, İranın Xarici İşlər naziri M.C.Zərif BMT-nin Baş Assambleyasının Nyu-Yorkda keçirilən 74-cü sessiyasında iştirak edir. Bu gün Prezident Həsən Ruhani də Nyu-Yorka yola düşəcək.

Rabil Kətanov
AZƏRTAC-ın xüsusi müxbiri
Tehran

Dünya 2019-09-22 21:28:00