Daşkənd, 22 sentyabr, АZƏRTAC
Daşkənddə keçirilən Mərkəzi Asiya Energetika Forumu çərçivəsində Özbəkistanın Əfqanıstana elektrik enerjisi satmasına dair on illik müqavilə imzalanıb.
AZƏRTAC xəbər verir ki, elektrik enerjisi qonşu ölkəyə tikilməkdə olan Surxan-Puli Xunri elektrik xətti ilə veriləcək. Özbəkistan bu layihəni cari ilin dekabrında başa çatdırmağı planlaşdırır. İlkin mərhələdə Əfqanıstana 4,2 milyard kilovat-saat elektrik enerjisi veriləcək. Sonra isə bu rəqəmin 6 milyard kilovat-saata çatdırılması nəzərdə tutulur.
Qulu Kəngərli
AZƏRTAC-ın xüsusi müxbiri
Daşkənd