Hərbi qulluqçu Elyarbəy Məmmədov torpağa tapşırılıb
Samux, 22 sentyabr, Rauf Hacıyev, AZƏRTAC
Sentyabrın 20-də gecə saatlarında hərbi hissələrdən birində xidməti borcunu yerinə yetirərkən həlak olmuş Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Məmmədov Elyarbəy Beyqalı oğlu Samux rayonunun Sarıqaya kəndində torpağa tapşırılıb.
AZƏRTAC-ın bölgə müxbiri xəbər verir ki, hərbi qulluqçunun dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, rayon icra hakimiyyətinin əməkdaşları, şəhidin yaxınları, ictimaiyyətin nümayəndələri, kənd sakinləri iştirak ediblər.
Dəfn mərasimində çıxış edənlər hərbi qulluqçunun ailəsinə başsağlığı verib, torpaqlarımızın azadlığı uğrunda həlak olan qəhrəman oğullarımızın qanının yerdə qalmayacağını, tezliklə düşməndən qisas alınacağını bildiriblər.
Hərbi qulluqçunun nəşi torpağa tapşırılıb, məzarı üstünə əklil və qərənfillər qoyulub.
Tabutun üzərinə çəkilmiş üçrəngli Azərbaycan bayrağı E.Məmmədovun ailəsinə təqdim edilib.
Qəbələ Dövlət Peşə Təhsil Mərkəzində “Technest” təqaüd proqramı üzrə infosessiya keçirilib
Qusar Dövlət Ləzgi Dram Teatrı paytaxt tamaşaçıları qarşısında çıxış edib
Bayram günlərində Qəbələ Dövlət Tarix-Bədii Qoruğunu ziyarət edənlərin sayı artıb
Naxçıvanda yolda qaya uçqunu baş verib
Daxili İşlər Nazirliyi Lənkərandakı qəza ilə bağlı məlumat yayıb – YENİLƏNİB