Sumqayıtda ağır yol-nəqliyyat hadisəsi nəticəsində iki nəfər ölüb
Bakı, 20 sentyabr, AZƏRTAC
Sumqayıtda və Sabunçu rayonunda ölümlə nəticələnən yol-nəqliyyat hadisələri baş verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, Sumqayıt şəhərinin Yeni Yaşma qəsəbəsi ərazisində Bakı şəhər sakinləri A.Rzayevin idarə etdiyi “Hyundai” və Fuad Musazadənin idarə etdiyi “Mercedes” markalı avtomobillər toqquşub. Nəticədə F.Musazadə və A.Rzayevin avtomobilində olan sərnişin, həmyerlisi Kamran Atayev hadisə yerində ölüb, özü xəstəxanaya yerləşdirilib. Hadisə ilə bağlı Baş İstintaq və Təhqiqat İdarəsi tərəfindən araşdırma aparılır.
Sabunçu rayonunun Maştağa qəsəbəsi ərazisində isə Bakı şəhər sakinləri Seyidmiri Fəttahovun idarə etdiyi “VAZ-2106” və Rafiq Həsənovun sürdüyü “Mercedes” markalı avtomobillər toqquşub. Nəticədə S.Fəttahov hadisə yerində ölüb, bir sərnişin və digər sürücü xəstəxanaya yerləşdiriliblər.
Hadisə Sabunçu Rayon Polis İdarəsində araşdırılır.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO