Mədəniyyət Mərkəzində “Unudulmaz bəstəkar” adlı tədbir təşkil edilib
Bakı, 20 sentyabr, AZƏRTAC
Bakı Şəhər Mədəniyyət Baş İdarəsinin Zirə qəsəbə Mədəniyyət Mərkəzi “Unudulmaz bəstəkar” adlı tədbir keçirib.
Baş İdarədən AZƏRTAC-a bildirilib ki, tədbirdə Zirə qəsəbə Mədəniyyət Mərkəzinin mədəni-kütləvi tədbirlər üzrə təşkilatçısı Günel Bədəlova Azərbaycanın dahi bəstəkarı Üzeyir Hacıbəylinin həyat və yaradıcılığından söhbət açıb.
Daha sonra “Nur” rəqs kollektivinin ifasında “Qarabağ”, “Sarı gəlin” rəqsləri təqdim edilib.
Tədbirdə Mədəniyyət Mərkəzinin “Fortepiano” kursunun müəllimi və tələbələri bəstəkarın müəllifi olduğu musiqi parçalarını səsləndiriblər. Həmçinin tədbirdə dahi bəstəkarımız Üzeyir Hacıbəylinin “Arşın mal alan” musiqili komediyasından səhnəcik nümayiş olunub.
Tədbir Mədəniyyət Mərkəzinin tələbələrinin ifasında “Çırpınırdı Qara dəniz” mahnısı ilə sona çatıb.
Musiqili Teatrda Lütfəli Abdullayevin xatirəsi anılıb
Milli Kitabxanada Əli Tudənin anadan olmasının 100 illiyi qeyd edilib
“Bülbülün qonaqları” rubrikası növbəti dəfə Məmməd Səid Ordubadiyə həsr olunub
Türk Mədəniyyəti və İrsi Fondunun növbəti layihəsi – “Turk Discovery” yutub platforması