Türk Hava Yollarına məxsus yük təyyarəsi təcili eniş edib
Ankara, 18 sentyabr, AZƏRTAC
Türk Hava Yollarının “Turkish Cargo” şirkətinə məxsus “Airbus A330-200F” tipi yük təyyarəsi təcili eniş edib.
AZƏRTAC Türkiyə KİV-lərinə istinadla xəbər verir ki, İstanbul Hava Limanından səmaya qalxan təyyarə bir neçə dəqiqə sonra eniş üçün geri dönüb.
Təyyarə yanacaq çənlərini boşaltmaq üçün təxminən 3 saat İstanbul səmasında dövrə vurub. Əvvəlcə Bursaya enmək qərarı verilsə də son məqamda təyyarə Atatürk Hava Limanına enib. Bildirilir ki, qəza enişinə səbəb təyyarənin quş sürüsünə çırpılması olub.
Sabir Şahtaxtı
AZƏRTAC-ın xüsusi müxbiri
Ankara
İtaliya İsraili Rəfahda hərbi əməliyyat keçirməməyə çağırıb
Nyu-Yorkun mərkəzində avtomobil sürmək üçün rüsum ödəniləcək
Roma Papasının səhhəti yaxşılaşıb
N.Paşinyan: Ermənistanda yalnız bir hökumət var və ikincisi ola bilməz