Aşqabad, 17 sentyabr, AZƏRTAC
BMT Baş Assambleyası konsensus əsasında Türkmənistan Prezidentinin təşəbbüsü ilə “2021-ci ilin Beynəlxalq Sülh və Etimad ili” elan edilməsi haqqında sənədi qəbul edib.
AZƏRTAC xəbər verir ki, sənəd Birləşmiş Millətlər Təşkilatı Baş Assambleyasının 73-cü sessiyasının 106-cı plenar iclasında bütün üzv dövlətlər tərəfindən yekdilliklə qəbul olunub.
İrəli sürülən bu təşəbbüs sülhün qorunması və müxtəlif dövlətlər arasında qarşılıqlı etimad mədəniyyətinin artırılması üçün xüsusi əhəmiyyət kəsb edir.
İlahə Əhmədova
AZƏRTAC-ın xüsusi müxbiri
Aşqabad