Bakı, 16 sentyabr, AZƏRTAC

Genişmiqyaslı təlimlərin keçirilməsi planına uyğun olaraq, “Həyəcan” siqnalı ilə qaldırılan qoşunların hərəkəti və idarə edilməsi tələblərə uyğun olaraq gizli və operativ şəkildə həyata keçirilir.
Müdafiə Nazirliyinin mətbuat xidmətindən AZƏRTAC-a bildiriblər ki, təlimlərdə qoşunlar cəmləşmə rayonlarını tutur və qruplaşmalar yaradılır. Qoşunların komanda idarəetmə məntəqələrində döyüş fəaliyyəti təşkil olunur.