Azərbaycan Tibb Universitetinin əməkdaşı nüfuzlu beynəlxalq jurnalın münsiflər heyətinə üzv seçilib
Bakı, 14 sentyabr, AZƏRTAC
Azərbaycan Tibb Universitetinin (ATU) ümumi və toksikoloji kimya kafedrasının assistenti Kəmalə Bədəlova nüfuzlu beynəlxalq jurnalın münsiflər heyətinə üzv seçilib. Bu haqda K.Bədəlovaya Beynəlxalq İncəsənət, Humanitar Elmlər, Ədəbiyyat və Elm Jurnalının baş redaktorundan təsdiq məktubu gəlib.
Universitetin mətbuat xidmətindən AZƏRTAC-a bildiriblər ki, məktubda ATU-nun təmsilçisinin Beynəlxalq İncəsənət, Humanitar Elmlər, Ədəbiyyat və Elm Jurnalının münsiflər heyətinə üzv seçildiyi qeyd olunub. Bu vəzifədə K.Bədəlova jurnala göndərilən elmi araşdırmalara rəy verilməsi prosesində iştirak edəcək, etibarsız araşdırmaları müəyyənləşdirib, plagiat və digər problemləri üzə çıxarmaqla etik pozuntuların qarşısını almağa kömək edə biləcək.
Baş redaktor ATU-nun nümayəndəsinin jurnalın işinə töhfə verəcəyindən əminliyini bildirib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar