Cənubi Koreyada təcili tibbi yardım dronlarından istifadə etmək istəyirlər
Bakı, 14 sentyabr, AZƏRTAC
Cənubi Koreyanın Milli Parklar Xidməti gələn ildən təcili tibbi yardım vasitələrini çatdırmaq üçün pilotsuz uçan aparatlardan istifadə edə bilər.
AZƏRTAC Yonhap informasiya agentliyinə istinadla xəbər verir ki, Cənubi Koreya bu məqsədlə ümumilikdə 32 kvadrokopter almaq niyyətindədir.
Pilotsuz uçan aparatlar böyük manevr imkanlarına malikdir və çətin dağ relyefində hadisə yerinə tibb əməkdaşlarından daha tez çata, həmçinin tibbi helikopterin enə bilmədiyi yerlərə dərman çatdıra bilər. Uçan aparatlar dağlarda köməyə ehtiyacı olan turistləri GPS texnologiyası vasitəsi ilə tapmağa, infraqırmızı və istilik kameraları vasitəsi ilə onların dəqiq yerini müəyyən etməyə qadirdir.
Dronların ilkin tibbi yardım vasitələrinin çatdırılması effektivliyi Seul ətrafında yerləşən Pukhansan parkında sınaqdan keçirilib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır