Bakı, 13 sentyabr, AZƏRTAC 

Bu il Azərbaycan Tibb Universiteti (ATU) Prezident təqaüdçülərinin sayına görə ölkənin ali təhsil ocaqları arasında birinci olub.
ATU-nun mətbuat xidmətindən AZƏRTAC-a bildiriblər ki, universitetə qəbul olan tələbələrdən 25-i Prezident təqaüdünə layiq görülüb.
Prezident təqaüdçülərindən 23 nəfəri Bakı Ali Neft Məktəbinə, 21 nəfəri Azərbaycan Dövlət İqtisad Universitetinə qəbul olub.
Bu il, ümumilikdə 102 nəfər Prezident təqaüdünə layiq görülüb.